變裝之路受盡歧視【2011/07/10 新報】

以男裝接受訪問的Bonnie，身材高大、聲線雄厚，除一頭長髮較女性化，從外表完看不出他有裝裝傾向。Bonnie形容自己天生愛穿女裝，但不完全肯定想做100%女人，他稱接受心理醫生跟進後，才決定是否進行變性手術。

最憎聲線太雄厚

回想第一次變裝，Bonnie回味無窮說︰「小學5年班時，爸爸帶我去遊樂場玩，鰟度有得著古裝影相，咁爸爸叫我扮宮女，我咪第一次著女裝。嘩！著起女裝好有暢快咁，但我唔知自己點解會咁。後來我開始好憎照鏡，唔想見到陽具、體毛，但最憎都係把聲囉，太雄厚，唔女仔。」

此後Bonnie開始愛上變裝，不時趁父母離家，偷著媽媽的衫裙。及至中學階段，Bonnie更省下零用錢來購買心愛的女性服飾，總之他穿上女裝一刻，就好像做回真正自己。

阿媽也看不過眼

對於變裝之路，Bonnie認為絕不好走，受盡別人歧視眼光，「父母開始知我鍾意著女裝，但佢懐冇乜點理我，只係不時勸我唔好，直至有次我著女裝去街，阿媽終於忍唔住鬧我，話『你唔好著到咁出街啦，你唔怕俾人打、俾人鬧咩……』阿媽真係講得好啱，好多港人歧視我哋，記得一次落樓梯，阿叔一見我就鬧『死人妖，著成咁』！另一次一落小巴，又被個男人恥笑『麻甩仔扮Lolita呀』！我又冇騷擾人，你唔鍾意咪唔好望，點解要去侮辱我呀！我懐行呢條路已經好辛苦，如果重要承受人哋既歧視，真係好唔公平。」

現時Bonnie任職速遞員，業內員工大部份是男性，為免被同事排斥、歧視，所以Bonnie全以男裝打扮上班，更坦言害怕被揭穿身份後，最終會失去工作。

近月無铫推出《變身男女》，Bonnie認為內容毀譽參半，「變裝生活有好多辛酸，係一種嚴肅話題，唔可以輕易攞嚟玩，咁樣好唔尊重我哋。」